老花譚詠麟最怕落錯注

歌手譚詠麟(校長)昨日以大使身份出席慈善基金成立活動,指雙眼有近200度散光加老花。問到幾年前出現老花時,是否難以接受?他笑言賽馬時睇錯、填錯飛更慘。沒有定期驗眼的他,透露開始識驚:「我有個朋友行行吓山見到有人飄埋嚟,但冇下半身,原來佢視網膜脫落,仲以為大節(撞鬼)。」

提到好友鍾鎮濤日前看閱兵流淚被網友嘲諷,校長力撐:「我每次睇到『為人民服務』就諗起幾多人犧牲,認唔認同都好,都係為我哋中國人。我都係有感而發,因爸爸係老兵。(鍾鎮濤個仔發聲鬧網民?)佢都係為爹哋出氣,睇唔過眼先講。」