吳業坤封二線潛力股
「巨聲幫」出身的歌手吳業坤入行5年，曾因在無綫台慶中扮「棋」而惹人笑柄，最近參演劇集《愛‧回家》中亦是演「廢青」，其唱片公司就幽他一默於10月3日為他及同門師兄師姐張紋嘉（Crystal）、張惠雅（Regen）及羅孝勇舉行名為「2打6七七八八演唱會」。
吳業坤的唱片公司高層Tommy受訪時稱：「『2打6』只係噱頭，其實吳業坤係『潛力股』，佢首《原來她不夠愛我》，喺YouTube四個月累積到1,945,735瀏覽量，亦喺多個音樂流行榜長期佔據頭三位，上榜名次仲試過贏天后、天王級歌手。」前晚吳業坤為演唱會綵排時，自認是「2打6」歌手，談到其新歌成績好，更撼贏天王天后，他笑說：「都係贏一、兩分鐘啫，（傳前緋聞女友Super Girls隊長Aka嫌你係奀星先分手，可感她走寶？）嗰次我係迷糊咗，亂噏啫。」而昨日是Regen的27歲生日，前晚眾人送蛋糕為她慶生。