謝安琪水底嘟嘴晒靚腿

復辦第五周年的體壇盛事「新世界維港泳」將於十月中舉行，一眾來自各界的知名人士齊齊落水拍攝宣傳相為健兒打氣，包括女神謝安琪（Kay）、鄭欣宜、香港首位職業西洋拳拳擊手曹星如、打機達人達哥（林慧韡）等，其中Kay化身性感優雅的水中仙子，以人體彩繪造型上陣在水中chok甫，不時嘟嘴賣萌，更大騷Big爆上圍和長腿！

渴望在銀河暢泳

首次在水中拍攝的Kay表示最難是要沉落水底，她笑言：「可能個人『囂』，好難沉住，加上脂肪多、肌肉少，個人好難向下沉，最難係停留喺水底做動作，但都幾好玩，同埋原來喺水中擘開眼係乜都睇唔到，要憑感覺行事。」問到可會挑戰維港泳？小學曾參加泳隊的Kay即謂：「1.5km，你估1.5m咩？好難，但我諗努力去練終有一日會成功！」浪漫的她更笑言最希望可以在銀河中暢泳！

欣宜以美人魚造型在水中浸了兩小時，她笑言浸到皺皮。	「神奇小子」曹星如不斷在水中出拳。	謝安琪嘟嘴賣萌。

曹星如唔識游水

欣宜就以性感美人魚造型上陣，首次作此打扮的她發現原來沒有雙腳輔助，移動十分困難，而且在水中難望鏡頭：「喺水底入面，其實就算撐開對眼，有燈照住你，都唔係好望到鏡頭喺邊，所以有少少難。」她笑言拍攝當日浸了兩個鐘水，弄到皺晒皮！熱愛游泳的她透露最想去一個沒有人的地方游泳，更笑言有信心參加維港泳，不過要先練習五年！

而有「神奇小子」之稱的曹星如原來不懂游泳，首次在水中不斷出拳的他笑言感覺新鮮，雖然要在水中閉氣感到辛苦，但仍很享受拍攝過程。

文：音樂組