鄭融慳家做業主

歌手鄭融、劉威煌和陳明恩前晚出席《SUBARU Palm Challenge2015》耐力賽為參加者打氣，身穿高衩紅裙的鄭融透露，耐力最勁的一次是入行後到日本旅行：「朝早八點幾起身，朝早十點啲舖頭一開門已經去行街，水都冇乜飲，由朝行到天黑，極速進出舖頭，不停試衫、除衫、畀錢買嘢，行完真係好辛苦。（大出血？）用咗幾萬蚊。」
鄭融挑戰耐力，曾由早到晚濕平。
鄭融挑戰耐力，曾由早到晚濕平。

不過鄭融又謂人愈大愈愛不用花錢的行山、游水等運動，承認變得精打細算的她，覺得儲錢好有滿足感。問她是否想儲錢買樓？她坦言想置業或同家人去旅行，買樓亦非為跟男友同居。而劉威煌宣布首次榮升業主，還大爆排隊買樓時遇見麥長青排在他前面。

劉威煌最近置業榮升業主。
  • 劉威煌最近置業榮升業主。