邵美琪求愛 自爆有人追
藝人陳豪及邵美琪（Maggie）昨日到電視城出席新劇《完美叛侶》（暫名）造型記者會。早前與老婆陳茵媺（Aimee）湊仔游水的陳豪說：「冇諗過我個肉身會被人影咗。（泳褲look曝光？）係咪好漂亮、好陽光？我都係帶小朋友熟習水性。（會去馬來西亞探同杜汶澤合作拍戲嘅Aimee？）要等個劇開咗，我再睇吓時間。」
Maggie於劇中周旋於陳豪及黃智賢之間，她說：「我做等愛的女人。（現實中都想尋覓愛？）梗係，人需要愛。（有冇追求者？）有，喺劇入面。（現實生活有冇？）感情問題唔好講，都唔好玩，唔係，係唔識答呀。（同前度施祖男再見亦是朋友？）唔好講呢啲，唔識答。」
