高圓圓發福造人努力中

內地女星高圓圓、歌手容祖兒、謝婷婷、文詠珊（JM）、王宗堯、楊淇及楊祐寧等昨日出席「MICHAEL KORS首間香港旗艦店登陸FASHION WALK」開幕酒會，高圓圓壓軸出場，只現身約三分鐘，限問三條問題，認真大牌！問到她是否因懷孕而驚人多，故訪問時間縮短？穿上三吋高踭鞋兼修腰連身裙的她表示：「唔係，我唔介意講幾耐。（你係咪有咗？）真係冇，自己個肚扁，最近發福。（係咪同老公努力造人？）順其自然。」

祖兒扭傷腰

而祖兒早前看中醫刮痧去濕氣，令手臂有刮痧痕跡，她笑言已搽粉遮住：「刮背之後刮埋前面，我前面得排骨，好似彈琵琶咁。（會唔會尷尬？）唔會，係女醫師，前面刮到好低，唔知有冇刮到自己條底線。」她亦透露因跳舞而扭傷腰，大腿骨歪了，故要去啪骨。

祖兒早前因跳舞而扭傷腰及弄歪大腿骨，因此要去啪骨。	JM默認戀情，更形容男方是重要的人。	婷婷希望有多點時間陪家人食飯。

婷婷陪家人

另外，JM透露拍電影時遺失鑽石耳環，但最後失而復得：「我拎咗私伙耳環拍戲用，我拍完好攰，唔知助手拎咗對耳環用紙巾包住，放咗喺度，差唔多返到屋企先記得，即刻打畀導演，我去到現場喊，想搵垃圾，原來工作人員已經搵到。」她表示耳環好有意義，是重要的人送，問到是否男友吳啟楠（Carl）送？她先支吾以對，其後點頭默認戀情，她表示：「係佢（送）。（咩禮物？）生日禮物。（有冇同佢講？）有，我都好激動。」她及後又表示與男方處於了解階段，又指對方是重要的人，會陪她過生日。

而昨日是謝婷婷農曆生日，而9月7日是婷婷33歲新曆生日，她生日願望是想多時間陪家人，更透露希望哥哥謝霆鋒下廚，多點時間一家人食飯。文：名人組