70歲陳欣健獵巨咪女 中環射導彈
現年70歲的陳欣健老當益壯，日前一拖二夜蒲中環，與35E導彈級的「巨咪」中女十指緊扣拖到實，另一邊又拖住長髮間條衫女子，左右逢源好不高興，三人玩得盡興齊齊登上七人車趕下場。
縱橫娛圈40年的陳欣健，做過幕前幕後，亦於不少娛樂公司擔任過管理層，而他最令人津津樂道的，是當年放棄警司的高薪厚職加入娛圈。
醉坐路邊等車
日前凌晨1時許，70歲的陳欣健一拖二於中環現身，醉意十足的他右手十指緊扣拖住一名樣貌標致的巨胸中女，該女衣着密實，但卻擋不住玲瓏浮凸的身形，粗略估計其上圍起碼35E。雖然已有一美在手，陳欣健同時又伸出左手捉住另一穿間條衫的長髮女子傾不停。
及至長髮女示意想先走，左右逢源的陳欣健即熱情挽留，未幾更致電催促司機前來接載，等車時不勝酒力的他坐了在路邊，當座駕駛至，陳欣健即拖實巨胸女，同時又招呼埋長髮女一同登車離開。
「老婆從來唔理」
陳欣健早年與邵氏女星尤情（原名張蓉蓉）結婚並育有兩女，包括陳早茵及陳早怡。對於一拖二夜蒲，陳欣健昨受訪時謂：「因為我契女同最好朋友結婚，好多外國朋友都返嚟飲，飲完大家意猶未盡，第日又約出嚟食飯。當晚開咗好多酒，飲到醉醉哋又去唱歌玩，跟住再去第二間酒吧飲，嗰兩個女人都係我好朋友，好朋友親密少少好正常。（驚唔驚老婆唔開心？）唔會，老婆從來唔理呢啲嘢。我1974年結婚，老婆點會唔信我，老公錫唔錫自己點會唔知。」
文、攝：追蹤組