苟芸慧手腫絕望嗌放棄治療

飽受甲狀腺問題困擾3年的前華姐苟芸慧，猶如中了「不瘦降」般愈見腫脹，昨日苟姑娘在微博再度透露求醫，似乎心情變得絕望的她，坦言希望與醫生「分手」，並上載抽血後腫脹的玉手，並有小部分瘀傷，留言：「醫生我們分手吧！Ｎ個月後竟然已經……去到這個抽血部位了？從這一刻開始計時，180秒之內請不要跟我說話，In case you didn't know，我在生你的氣。」她更加上標籤：「手好腫，不跟你玩了，開個玩笑啦，拒約醫生，下一站終點站。」

減藥回復狀態

苟姑娘於今年6月曾在微博表示，希望可以最後一次睇醫生，但似乎未能如願，網友紛紛在苟姑娘微博留言鼓勵：「堅持住！會好起來的！」、「唔係終點站呀，下一站健康，好番晒返嚟！」似乎苟姑娘接收到鼓勵，心情變好，更轉發吳卓羲留言，向他送上生日祝福。

苟芸慧因抽血而搞到玉手腫脹。	苟芸慧昨在微博發出絕望的呼喚，似欲放棄治療。	李亞男與吳卓羲鼓勵好友苟芸慧抗病。

昨晚本報聯絡苟姑娘，她稱博文一出後，搞到不少朋友擔心：「Sorry！好多朋友都打畀我，冇諗過令大家誤會，我都係同醫生講吓笑。」她透露患病初期心情低落：「開頭成日都要抽血，係有唔開心，不過依家已變成習慣。」她稱將於10月底變番「至Fit苟姑娘」：「10月尾有信心變番之前咁Fit，醫生都話我OK，食藥分量都少咗好多。（情況點？）7月時候醫生話我指數正常，依家身體冇咁腫。（點解隻手會腫？）平時抽血都會用幼啲嘅針，今次改咗用粗嘅針，搞到又腫又痛。」

李亞男送慰問

對於苟姑娘「拒約醫生」留言，好姊妹李亞男說：「之前去佢舖頭見過，佢冇嘢喎，個人好正面，可能有人生目標。（向你透露病情？）冇，但知道佢有睇醫生、有好轉，佢都好番好多。」岑麗香則謂未聽過苟姑娘的病情有變；而鍾嘉欣稱：「朋友不嬲都會鼓勵、愛護對方。」獲苟姑娘送生日祝福的吳卓羲稱：「會鼓勵吓佢，希望佢身體健康，多謝佢祝福。」

文：專案組