牛雜妹飛越《馬場BOSS》 打造吸金路

「娛圈新丁」Monnie搶閘入娛樂圈，首個工作便是為《東網》今日推出新App《馬場BOSS》做Angel，拍攝宣傳片和影硬照。當日Monnie準時到達拍攝場地，快速補妝後，便開始錄影，由於早已告知她台詞，她只需對鏡頭讀出約１分多鐘的宣傳對白，錄影第一take時，Monnie順利背出對白，但因為緊張及生硬，要拍多幾take。可能因為她太緊張，之後再試５、６次都有少許失誤，好似背錯台詞、食螺絲等，Monnie都即時「耍冧」say sorry。問她有否花長時間背台詞，她笑謂：「都冇嘅，對白還算ＯＫ，我臨瞓前有睇過，晏晝得閒都有望兩望。正式roll機有啲緊張，驚ＮＧ阻住大家收工。」

要求高拍得專業

休息過後，Monnie回復信心，向在場工作人員揚言：「呢次係最後一take！」雖然拍攝成功，不過要求高的Monnie為做到最好，還是要求再拍多一次做後備。她說：「始終呢個係一個工作，我希望出嚟嘅片會令人覺得專業！」另外，每次拍攝Monnie都很在意鏡頭入面的自己，怕影得肥，希望就位顯得她瘦些。

馬迷注意《馬場BOSS》App今日登場。	《東網》推出新App《馬場BOSS》，並有靚女秘書教投注。	《馬場BOSS》 下載QR Code

錄影後到拍硬照環節，Monnie直認因較少接觸影相而緊張，說：「覺得自己擺甫士有啲生硬！嚟緊要買多啲雜誌，睇多啲model點擺！」而穿起制服拍照的她笑說：「雖然有做過part time model，但就多數係化妝model，從來冇試過玩cosplay，私影都冇試過！」

談到今次是她入行首個工作，Monnie說：「每樣嘢都係自己以前未接觸過，真正了解成個工作之後，覺得好新奇！好有挑戰性，好好玩，自己都好enjoy！覺得冇入錯行，雖然一開始唔熟悉會有啲蝦碌，或發揮得唔好，但我相信假以時日，多啲練習，會愈做愈好！」

有個夢想做業主

率性的Monnie坦言入行就是想紅，自己一直有個夢想，就是圓業主夢，希望買大屋令爹哋媽咪住得舒舒服服：「目標是希望三年內搵到第一桶金，可以嘅話畀到千呎豪宅首期，我知距離目標仲有十萬八千里，不過我會努力！都係學嘢先啦！（有冇玩股票？）我全家人都冇玩，覺得腳踏實地適合啲！」

至於未來發展，Monnie希望專注在演戲方面：「想拍多啲唔同嘅電影，摸索邊類型角色及定位適合自己，想試悲情戲，雖然難度高，但如果投入到角色，會好有成就感。（係咪容易喊嘅人？）其實我係一個典型水瓶座嘅人，喜怒無常，好易喊！睇段感人故事我都喊得出。」她又希望做主持工作。文：甄之慧 攝：吳文聰