緋聞拖累伍允龍鍾嘉欣要檢討
藝人鍾嘉欣昨日與李思捷到荃灣出席活動，嘉欣以甜笑回應緋聞，但被問與伍允龍（Phillip）何時分手？她說：「唔答呢個問題。（依家單身？）工作為先。（點解諗咁耐先答？）私人事不嬲低調，唔好意思。（同Phillip溝通過點對外交代分手？）問得太深入喇！我唔介意佢講，我就唔多講。（喺電視城撞過佢拍劇？）未，但見到朋友會開心！」
談到新緋聞男友內地演員丁野抱起她一事，嘉欣說：「我同《哪吒與楊戩》劇組個個都玩得好開心，但作為藝人，我要檢討。（檢討唔好被抱起？）唔係咩大件事，但藝人會被傳媒寫，搞到自己、Phillip要回應。（佢向你問話？）冇聯絡。（丁野點睇？）佢唔知佢喺香港啲新聞紅咗，我哋喺通訊群組為呢件事笑得好犀利。（父母擔心你？）我有同父母溝通。」
嘉欣又預告甩拖後的中秋節目說：「請朋友食月餅。（同丁野慶祝？）同《哪吒》劇組耐不耐都有聚會，拍完《哪吒》後，我喺生命裏面多咗好多朋友，係我最大得益。」