陳豪死撐堅嘢：瞇埋眼都識
陳豪為無綫新劇宣傳時被笑換片手勢麻麻，他就死撐自己是「堅嘢」說：「瞇埋眼都識做呀！」又指不怕杜汶澤與老婆陳茵媺以親熱戲向自己「報仇」。
藝人陳豪、姚子羚和樂瞳等昨日在鑽石山，出席無綫新劇《陪著你走》之「同途有我伴你行」活動。問上次出活動遲大到的陳豪如何補救？他笑指自己肉隨砧板上，但坦言現時因湊仔難就時間。講到他玩遊戲幫公仔換尿片時被同場的馬海倫笑手勢麻麻，他笑謂：「你都唔知咩嘢係堅嘢！」更指自己已經習慣在半夜幫囝囝換片：「瞇埋眼都識做呀！」又透露大仔最近Playgroup開學：「第一年。（有冇喊？）冇喎，佢好開心，四圍走。」他亦贊成小朋友應及早參加Playgroup：「等佢哋早啲熟習社交，慢慢成長。」
支持老婆復出
談到老婆陳茵媺將與杜汶澤合作拍戲，陳豪支持老婆復出：「同埋時間都唔係佔好多，佢自己都唔放心放低班小朋友好耐。」早前他與杜汶澤老婆田蕊妮在無綫《鬼同你OT》中多親熱戲，他不介意男方借機「報仇」：「大家都係江湖仔女，做得演員唔應該帶任何顧慮。」
姚子羚(目及)靚股
主角之一、姚子羚好友胡杏兒缺席活動，問是否因為籌備婚禮？子羚直指好友身在內地參與拍攝：「點解個個都問佢係咪籌備婚禮？」她透露無綫本身想安排「胡說八道會」一眾姊妹拍旅遊節目，但因為6人太難度期而不能成事：「本來係好似話去台灣嘅。」更指未試過齊腳去旅行。她又指眾姊妹打算出海遊船河，自己更早備泳衣：「但冇機會着！」更爆料指胡蓓蔚身形最弗：「佢個Pat Pat好鬼凸！」
至於樂瞳則手臂變粗兼包包面浮現，她坦言前晚食自助餐，又懶做深蹲，笑言會自我檢討。
文：影視組