曹敏莉拒讓囡囡當童星

前港姐曹敏莉（Mandy）昨日與老公張家傑、囡囡Dora一同出席慈善月餅義賣活動，她表示囡囡現年4歲，乳名是多多：「今次佢嚟係有一個責任，除咗賣月餅，仲要買一盒月餅畀婆婆，因為婆婆今日（昨日）生日。」她又透露今個暑假帶多多周圍盡情玩樂：「因為佢嚟緊升K2，31日開學，所以呢個暑假帶佢去旅行、跳舞、唱歌，等佢玩夠開學可以專心啲，（考小學未？）升K3先認真去諗咩小學，（會讀本地定國際學校？）好睇學校嘅學習環境同校風，如果逼得小朋友太犀利就唔好，間學校要令佢鍾意讀書。」其後笑稱囡囡很貪靚：「佢出門會自己戴手鏈、頸鏈同太陽眼鏡，又會去衣櫃揀衫，（畀佢做童星？）呢個歲數唔會。」