周汶錡有仔唔要老公
名模周汶錡（Kathy）與音樂人雷頌德昨日為小朋友比賽擔任評判，問到為何不帶囝囝雷棨宇（Jacques）一同來表演？她表示兩父子「拍拖」出街，自己要工作而呷醋：「佢依家表情多，識認人。（減少工作？）會分配時間。見到佢一日一日長大，好奇妙。」她表示不會舉行百日宴，因好多朋友已見過兒子。她透露會用手機影Jacques：「手機wallpaper都係囝囝相，已經冇咗老公份好耐。」問到是否準備追女？她表示：「要調理好身體，我準備好生多個。」
而雷頌德直言不會再追多個小朋友，他已有8歲、4歲兒子及繼子：「有三個，大中細都有齊。（恨生女？）恨過，生唔到就係生唔到，細仔好嗲，見我就攬住我。」提到陳慧琳在演唱會會帶囝囝上台，身為音樂總監的他直言：「佢七年前台上承諾過。（你會唔會都帶囝囝上台表演？）唔好搞。（唔想囝囝曝光？）梗係。」
