牛雜妹冇飯落肚單挑JC
Jessica C.昨日出席婚紗騷，以招牌「警鐘胸」，力拚擁有「34D」上圍的「牛雜妹」李美琪，兩大索女大鬥性感，噴血程度同樣極高！
混血名模Jessica C.（JC）昨日出席婚紗騷，換上多套婚紗行騷，毫不吝嗇地騷出「警鐘胸」！但一向行騷經驗豐富的JC，未知是否因婚紗裙襬過長，竟險些兒跌倒！問到與男友安志杰（Andy）可有計劃結婚？JC表示：「希望自己婚禮可以優雅、簡單同靚，唔想畀到壓力佢！（咁求咗婚未？）未，雖然佢冇送過戒指畀我，但就成日會送好多小禮物！」
45歲前出嫁
問到目標是在幾多歲前出嫁？JC則表示：「45歲！（咁大年紀？）希望畀多啲時間佢為工作而努力！」JC又指Andy不時提醒她，在拍攝新戲的動作場面時，要學識保護自己：「我之前隻腳整瘀，佢即刻好緊張問我發生咩事，但其實我都唔知點解會整瘀咗！戲入面會做一位殺手，成日要揸槍，一人分飾兩角，演繹出甜美同狂野一面。」
大方行性感
而另一邊廂，首次穿上婚紗的「牛雜妹」李美琪（Monnie），大騷「34D」上圍，性感程度絕對可以與JC力拚！Monnie表示事前非常緊張，而對於需要性感演出表現大方：「婚紗同晚裝少少性感着出嚟係靚嘅！意識正常同健康！（特登keep fit？）上星期放鬆咗，比較冇去做運動同節食，呢個星期嚴厲控制自己飲食同做運動，只食水果，冇食飯！」問到是否已選擇好經理人公司？Monnie表示與不同公司正在接觸階段，大讚蕭定一旗下公司潛力十足：「下個月有可能會去拍一個旅遊節目，有啲階段未傾好，仲好初步。（幫邊個機構拍？）詳細內容自己未確定到！」
文：名人組