張秀文拋胸嚇窒翟威廉

獲封「新咪神」的張秀文昨日偕翟威廉和岑杏賢等出席馬場活動，期間穿上低胸小背心的秀文俯身跟小朋友吹水，34D豐滿上圍隨即呼之欲出，後又落力玩「彈彈波」及做Sit-up，在旁幫手壓腿的翟威廉也擰歪面「冇眼睇」。

一男一女鬥胸大

談到性感打扮甚有睇頭，張秀文說：「可能見到啲小朋友太開心，見到佢哋咁得意，好想同佢哋傾偈、玩。」被指不敢直望的翟威廉則解釋：「我都望唔到。」秀文又自爆與翟威廉早前到日本拍節目，兩人一起浸過溫泉：「我包住毛巾，佢眼尾都冇望過我，因為佢一心諗住自己點露多啲。」翟威廉笑謂：「我掛住自己，邊得閒望佢，我都要有線條。（唔可以畀佢搶鏡？）梗係！」那麼誰的上圍較勁？秀文笑稱：「計吋數佢勁好多，起碼大我十吋，係形狀唔同啫。」威廉亦自嘲「cup數低」。

「新咪神」張秀文俯身拋胸，身材呼之欲出。	翟威廉替張秀文壓腿做Sit-up時目不斜視。	翟威廉

岑杏賢唔急結婚

同場的岑杏賢對於男友袁偉豪視她為結婚對象，她表示兩人以事業為先，暫未有計劃結婚：「佢話事業啱啱開始，如果結婚，都叫我等多幾年，我都唔急結婚，家人都冇催婚。」她又直言雙方已見家長，父母也大讚袁偉豪踏實。提到兩人出街也不敢拖手，岑杏賢自言已習慣：「我冇介意過，依家公開咗突然拖手，反而我有啲唔習慣。」

文：影視組