(1)麥明詩又失守毛所遁形

無綫《2015香港小姐競選》今晚在將軍澳電視城舉行決賽，12位候選佳麗昨日進行泳裝綵排，以性感三點式鬥身材，大部分佳麗都收身成功。熱門「十優狀元」(1)麥明詩、「寸嘴Ada」(4)龐卓欣及「英國碩士」(3)羅丹虹身形甚Firm練出馬甲線，細細粒的(7)吳佩欣則笑容燦爛狀態大勇！麥明詩上次穿泳裝不慎走光，昨日她表示已做好安全措施，可惜仍百密一疏再度失守露毛！至於羅丹虹及(6)吳慧堯則泳褲現形，認真失策！

現場見麥明詩狀態跌watt，更有些面青口唇白！但她不忘搞Gag，笑言早上會飲雞精備戰：「我將能量留畀聽日（今日），所以顯得攰啲，到時會盡地一煲！（有信心奪冠？）好難估，民意好難猜測，其他佳麗都狀態大勇。（被嚇窒？）唔會，一早見到佢哋潛力。（你啲潛力呢？）已經出晒喇。（點補救？）仲有三分釘嘅！」

(3)羅丹虹信心十足，大晒紙板身材。

22歲生日的(10)陳靜儀，烏身吹蠟燭時倒出湯碗胸。

(7)吳佩欣爛玩爆粗

愈戰愈勇的(3)羅丹虹早前減肥至見骨，她透露現已增回兩磅，但見她仍屬紙板人，自信十足的她靠5呎7吋身高取勝，不覺身形單薄輸蝕：「我有長腿，鎖骨都靚。（有咩必殺技？）Catwalk行出嚟有氣勢，希望加到分。」

被抽中試戴后冠的(7)吳佩欣，有讀者爆料指她爛玩愛爆粗。

(7)吳佩欣

(7)吳佩欣昨日被抽中試戴后冠，由上屆冠軍邵珮詩為她加冕，她希望可打破「后冠魔咒」宿命。而昨日有讀者爆料指她爛玩愛夜蒲攬仔，三年前在Facebook爆粗，吳佩欣表示只是有樣學樣，不怕爆料影響形象：「當時自己都唔知講咩，依家唔會再講呢啲嘢。（夜蒲？）唔特別鍾意，同朋友會行山、踩單車。」

(10)陳靜儀烏身倒奶

眾佳麗又為昨日22歲生日的(10)陳靜儀（Kristi）慶生，身形未見突出的Kristi吹蠟燭時烏身倒奶，湯碗胸彈出搶鏡！她表示現時心情較參賽初期輕鬆，仍略見緊張的她被問到是否不睇好自己？她說：「我有信心，但唔想話自己會贏，到比賽就有信心。」

今屆港姐自初次面試以來一直成為城中熱話，眾佳麗曾到日本接受各種才藝訓練，又在星級師傅曾志偉及鄭裕玲率領下，分組進行1對1才藝比併。今晚決賽將於晚上8時半開始，大會將於節目期間陸續淘汰佳麗。每次淘汰由市民及星級評判各佔一半分數，順利進身四強的佳麗，將百分百由觀眾投票選出今屆冠亞季軍得主。「最上鏡小姐」則由任達華、黎耀祥、梁漢文及蘇永康等評判選出。此外，決賽結束後，各得獎佳麗將亮相一小時節目《2015香港小姐傳奇誕生》分享喜悅。

文：影視組