性感女星黃榕、「仙樂都」吳堯堯（YoYo）昨日在灣仔街頭為東華三院賣旗，黃榕以低胸露肩裝上陣，這身打扮賣旗是否更着數？她笑說：「真係多男士買，但係女士都有嘅。」更坦言有被人拒絕：「可能啲人趕時間，弱小心靈有少少受到傷害，因為好少畀人拒絕。」
最近孖住黃榕出活動的YoYo再次被對方搶風頭，YoYo說有需要才會着得性感：「可能佢（黃榕）怕醜唔敢嗌人，佢咁樣着行埋人哋度唔會拒絕佢嘛！我就面皮厚啲，所以着番圓領衫。」
