許廷鏗慚愧唱舊歌
歌手許廷鏗、胡鴻鈞、杜麗莎、陳百祥等昨日出席《FRANCK MULLER特約：星光熠熠耀保良》記招，身為星夢歌手的許廷鏗透露當晚會與胡鴻鈞、何雁詩合唱，他說：「不過未知唱乜，應該難度不大，因為大家都係《巨星》出身。」
胡鴻鈞首次踏紅館
提到有傳為了讓星夢歌手亮相節目，因而踢走原定有份演出的環球歌手陳慧琳和吳雨霏，許廷鏗說：「以我所知好似話會唱《青春頌》嘅，其實有少少慚愧嘅，兩年前同謝安琪喺台上都唱過，今年都要再拎番出嚟，希望大家鍾意啦。（呢首歌係後加？）唔係喎，一路都傾緊。（本身環節加長咗？）其實我哋未傾，未定(口架)。（覺得傳聞真確？）我又唔特別覺得。」問胡鴻鈞會否相信傳聞？他謂：「我唱歌(口架)咋，開心第一次踏足紅館做咁有意義嘅慈善活動，只希望當晚演出可以籌多啲善款。」
陳百祥邀神秘嘉賓
同場的陳百祥（阿叻）透露當晚邀請了兩位分量級嘉賓上台合唱，對方已口頭答應。他笑言：「好似《蒙面歌王》咁，睇吓觀眾認唔認到我哋係邊個。」至於是否請「4個小生」謝賢、曾江等？阿叻笑言：「又去唔到嗰個年份，我都覺得好好玩，玩到咁盡。下一次玩都係『福祿壽』（指他與譚詠麟、曾志偉），當佢哋唔喺度嘅時候。講緊係最少都十年後。」
文：影視組