實在太開心喇！因為有日本AV女優來港囉！今次仲要係日本AV界一線女優添！佢係邊個？就係Prestige專屬、擁有脹卜卜D-Cup美巨乳以及甜美笑容嘅超人氣女優彩美旬果囉！小弟有幸搵到佢做訪問，仲可以緊貼佢喺香港嘅連日活動，真係三生有幸呀！
小弟因為工作關係，近年接觸過唔少日本AV女優，作為一個記者亦係一個狂熱AV迷，梗係萬分榮幸又開心到震啦！而接觸過咁多女優當中，唔少都係挾住強勁人氣襲港，好似北川瞳、周防雪子、上原亞衣、櫻井步等等。最近又有一位人氣夠強，兼且攞過好多獎嘅重量級女優到港，而小弟又有幸訪問到佢，呢位就係AV集團Prestige嘅專屬女優彩美旬果喇！旬果嘅真人確係甜美迷人，仲索過上鏡，同佢接觸感受到友善同親切，猶如陽光一樣嘅燦爛笑容令人着迷。不過，最重要一點係經近距離觀察，旬果嘅D奶絕對係貨真價實嘅純天然美巨乳，小弟有幾次差少少控制唔到啲口水，好彩冇滴落阿妹個胸咋。
旬果身材咁正，演技又出色，難怪出道以來獲獎無數，上年更連奪DMM大獎2014最優秀女優金獎、朝日藝能AV大獎寫真大獎、Graphis Awards 2014冠軍以及Amazon注目人氣投票冠軍啦。今次旬果係由本地成人用品店邀請來港，以日本情趣用品MEN'S MAX系列代言人嘅身份進行宣傳等活動，仲要佢親身上陣進行真人倒模嘅最新情趣用品──男性自慰器《終極人形 彩美旬果》做推廣。旬果到港第一日就進行連串攝影會，過程當中同好多港男接觸過，不得不讚嘅係我哋香港男士不愧高質又有教養有學識，從訪問當中可以得到答案。
記：你對我哋香港男仔有咩印象？
彩：我覺得香港男仔相當溫柔又有禮貌，仲好似日本人咁守規矩添。
記：你會唔會選擇香港男仔做交往對象呢？
彩：唔錯呀！
記：咁如果要你同香港男仔拍AV又得唔得先？
彩：唔得，因為基本言語不通嘅關係。
記：如果個男仔識日文呢？
彩美旬果呢個時候已經笑到答唔出！
記：睇你笑得咁開心，我相信你應該唔會抗拒嘅。
彩：OK！
彩美旬果今次來港除咗為情趣用品品牌做宣傳，舉行影相及抱抱龍友嘅攝影會之外，仲同時應一個關懷愛滋病團體嘅邀請，一邊談情說性，一邊宣揚預防愛滋病及性病嘅訊息。日前彩美旬果就出席呢個「與彩美旬果談性SEX」活動。當日旬果被問到唔少問題，例如鍾意拍一對一定係多P場面，而她就表示比較鍾意一對一，話一來冇咁辛苦，二來面對一個對手可以集中注意力，幻想大家之間發生嘅感情，以提升興奮情緒繼而投入於性愛演出。又問到拍中出戲到底係咪真係打真軍，旬果就話冇花冇假，肯咁樣拍攝嘅原因係知道自己同男優都有定期驗身，如果唔肯定，阿妹話一定唔會拍。
喺當日活動，彩美旬果除答咗好多尖銳又敏感嘅AV拍攝相關問題，難得同一眾港男AV迷見面，當然唔會只係坐定定像開答問大會咁簡單啦！期間，旬果就同大家玩咗唔少遊戲，其中一個就係挑選在場嘅5位觀眾，要佢哋一顯身手，以其獨到嘅表演方式凸顯雄風，以求吸引到旬果嘅注意。由於5位觀眾嘅演繹確係騎呢……應該係「有風格」至真，搞到旬果一邊睇一邊笑到收唔到聲。最後，只好請出櫈底貼有一條大會預先安排嘅道具香蕉嘅觀眾，由阿妹親身幫佢條「蕉」戴番個安全套。睇到旬果戴套時個尷尬樣，以及睇到正確佩戴安全套嘅示範，甚有教育意義，對於在場以年輕人為主嘅觀眾相當實用。大家想睇片的話，就記得瀏覽東網嘅直擊。
網址：http://hk.on.cc/hk/bkn/cnt/lifestyle/20150818/bkn-20150818151224469-0818_00982_001.html
撰文：賢
攝影：賢、張群生