湯鎮業細仔見周秀娜面紅

「宅男女神」周秀娜、藝人湯鎮業的一對孖仔─大孖湯君慈（Bruce）及細孖湯君耀（Chris）、林俊賢女兒林鈺洧（Denice），昨日出席天梭表店舖開幕典禮，三位星二代更首次公開露面及行騷。現年20歲的孖仔透露在美國讀書，現回港放暑假，仍有兩年才畢業，二人表示首次行騷及受訪，十分緊張，Bruce說：「緊張！（屋企人有冇嚟？）爹哋有，不過佢匿埋咗，佢怕醜，佢之前有叫我哋要自信啲。」二人透露均想與父親合作拍戲，大讚爹哋做奸人出色。提到與周秀娜同場會否緊張？Bruce大爆細佬緊張，Chris即時面紅，但不忘讚娜姐好靚，問到是否愛這種類型？Chris表示：「冇話鍾意咩type。」問到二人是否心有靈犀？Bruce直言：「我心諗緊首歌，佢就會哼出嚟。（有冇拍拖？）冇。細佬有。」Chris說：「有，父母都知，有見過。」

林鈺洧與父感情好

而身為Angelababy師妹的Denice較為淡定，對答如流，但透露都有少少緊張， 問到家人有否到場？她表示：「佢哋比較忙，爹哋都知道我出活動，有叫我加油，平常心，佢好支持我。（之前爹哋反對入行？）佢唔係特別反對，有啲意見啫。」Denice同樣希望有機會與爹哋合作：「可以培養感情，我同爹哋感情非常好，十幾年冇見，見番都六、七年，感覺好close，冇生疏。」

林鈺洧與孖仔湯君慈（左）、湯君耀首次行騷，大家都有點緊張。	周秀娜魅力沒法擋，引得細孖湯君耀偷偷看、偷偷望。	湯鎮業

腳做手術停工半年

另外，周秀娜早前拍戲仆倒左腳受傷，引發舊患令韌帶鬆了，出席活動時她包上紗布穿上五吋高跟鞋，她透露要做手術開刀，但因已接洽了很多工作，最快都要下年才做手術，要休息半年不工作。她笑言要先找男朋友扶住及揹住自己，不怕再跌倒。

文：名人組