前亞姐筱靖與形象指導許嘉浩（Karl）昨日出席活動，Karl透露早前推出的寫真集，其中一輯相片被挑選在攝影作品展內展出：「因為個攝影展多數展出小動物同小朋友作品，自己都覺得係一個意外收穫！」
而筱靖則自嘲年紀大，無意效法Karl推出寫真集，但就有興趣投資其他模特兒出寫真，她又自爆4年來不時被男狂迷透過社交網絡滋擾：「佢每日都會同我講早晨同晚安！（封鎖佢？）咁又冇，因為佢冇做出咩變態行為，都算係正常，但自己冇應過佢！」
