由黃秋生、吳君如、甄詠蓓、潘燦良主演的舞台劇《狂揪夫妻》前晚於香港演藝學院作首場公演，不少圈中人如張家輝、江美儀撐場，而楊受成、謝霆鋒、郭富城等都有送花牌恭賀。
完場後秋生與君如一同受訪，秋生表示對首場演出非常滿意，君如就坦言好緊張：「甩咗兩句對白，臨出場我仲問潘燦良頭三句對白係咩！出場仲差啲仆親！我第一次做，好多技術性嘅嘢未摸清。」秋生亦大讚君如表現：「畀八十幾分佢，第一次做真係唔容易！」
