黃宗澤自爆人工高無離心
藝人黃宗澤（Bosco）、鍾嘉欣及朱千雪等，昨日於電視城出席無綫劇集《警犬巴打》開鏡拜神。期間Bosco獲嘉欣親暱餵食提子，與嘉欣甚多咀戲的他直言獲公司厚待：「公司畀好高人工我！」
昨日黃宗澤、鍾嘉欣、黃浩然、朱千雪、蔣家旻、張嘉兒、梁烈唯等在電視城進行新劇《警犬巴打》開鏡拜神儀式。鮮有穿制服拍劇的Bosco笑言喜歡制服誘惑，又說在劇中要忙於照顧狗拍檔，不過Bosco與拍檔嘉欣會有咀戲，他說：「都係搞笑為主，唔係浪漫，激情戲交畀朱千雪同黃浩然啦。」
鍾嘉欣睇時機
談到有指徐子珊約滿外闖，Bosco未有留意報道，但指出最重要保持合作關係，人才流失屬正常商業情況，還直認公司待他不薄：「我間餐廳都流失員工啦，好正常。（曾志偉同苗僑偉都話公司人工低？）TVB畀好高人工我（口架）喎，每人對人工高低定位唔同，我做嘢唔睇錢嘅，最緊要開心。」同場的嘉欣表示仍有合約在身，與公司合作愉快，她明言若有緣分及時機，亦不會抗拒外來的機會。
朱千雪求自保
提到有指無綫有意找嘉欣男友伍允龍及緋聞男友陳展鵬合作拍劇，嘉欣否認此事：「完全冇聽過。（抗拒一齊拍劇？）唔會，公司畀咩我咪做咩。」至於朱千雪表示將要拍攝落水戲及跳樓戲，畏高的她更要首次吊威吔，笑言屆時要多墊pad及多穿褲子護體。
文：影視組