伍詠薇教敏之閨房樂

藝人伍詠薇（伍姑娘）前晚偕好姊妹陳敏之中門大開晒性感，為無綫節目《今晚睇李》擔任嘉賓。敏之訪問時透露在節目中大爆伍姑娘的「閨房樂」，並笑言：「我都要請教佢，真係好犀利。（例子？）全部都出唔到街！如果佢開節目講呢啲，收視一定高！」敏之謂未敢學以致用，直指自己與丈夫相處十年欠激情。伍姑娘反嘲敏之為人悶蛋，並笑言：「我就係外表open，內裏都有少少open啦！雖然我有經驗，但我唔會指導人，如果太多人學識，呢個社會會變得好壞！」