Kay天后變阿四幫老公打氣：射呀！

謝安琪大前日於電台工作後，即乘七人車離開，座駕轉個彎即見Kay老公張繼聰同埋囝囝張瞻在私家車上等候，Kay隨即走上老公的車，之後一家三口溫馨地往尖沙咀行街食飯，活潑的張瞻不時嚷着看玩具，張繼聰夫妻亦耐性十足，陪囝囝看夠再往日本餐廳食飯，期間有粉絲上前要求合照，兩公婆亦開心答應。

拍手歡呼大嗌

Kay一家醫肚後再往大角咀，原來張繼聰當晚在該處有籃球比賽，同場更有方力申，張繼聰和方力申等換上球衣即開始熱身，坐在觀眾席的Kay，一直甜絲絲地望實老公，及至老公出場即拍晒手歡呼，跟隨現場觀眾一齊大嗌「射呀！射呀！」為老公打氣，十足一名小粉絲。

謝安琪與兒子張瞻在場邊為張繼聰打氣。	食飽後謝安琪幫老公攞着背囊步出茶餐廳，等老公駕車前來。	方力申（左）與張繼聰先離開。

入茶餐廳醫肚

比賽完結，跟得夫人Kay和囝囝再陪張繼聰及隊友們到附近茶餐廳醫肚，只見Kay和大家打成一片，有傾有講，食飽後張繼聰先離開茶餐廳往取車，之後將車駛到茶餐廳門外，此時Kay幫老公攞着背囊步出，再與囝囝上車返家。

文、攝：追蹤組