李治廷御駕親征 揮劍水舞間

新濠天地《水舞間》輝煌邁向5周年，邀請了早前在熱爆內地劇集《武則天》中飾演皇帝唐高宗的「天之驕子」藝人李治廷（Aarif）擔任嘉賓，九五至尊駕臨喜迎盛典！首次挑戰個人創舉潛入9米深之劇院水池內，揭開《水舞間》水底世界的神秘之門。昨日《水舞間5周年慶典》中，現場播出李治廷體驗水底舞台揭秘的片段，他由八位猛男護航到場，坐上「龍座」的他，十足皇帝一樣，非常有氣勢，更不惜揮寶劍擊出水柱，還即場「御筆一揮」題字「水舞間」及蓋金印。

潛上癮盼睇海龜

訪問時，李治廷表示是首次體驗潛水，問到有否難度？他表示平衡呼吸最困難：「分開咗兩part，第一次未適應耳仔痛，第二次嘅經驗係開心。（上癮？）少少，想去馬爾代夫潛水睇海龜。」談到其《武》劇皇帝一角深入民心，他說：「係，幾開心，難得有角色受認同，（帶挈搵錢？）比以前係多咗，不過事業目標唔係放喺賺幾多、獎項幾多，《武》令我行多一步。」

文武雙全的李治廷耍起劍來，有姿勢有實際。	李治廷寶劍一揮擊出水柱。	現場播出李治廷潛水體驗水底舞台的片段。

人紅自然是非多、緋聞多，提到與內地演員馬天宇的斷背緋聞，他表示大家純粹朋友，問是否「hehe friend」？他反問記者意思，當得悉真正意思後即笑說：「哦！Only me，meme friend。（同馬天宇事後傾番？）冇，費事人哋覺得『嘩同你做friend咁(o架)？』我已經冇乜朋友。（唔開心？）我預咗承受有緋聞同虛構報道，冇資格唔開心，耐唔耐都有單。對朋友，我唔識得點去做負責任嘅朋友。」

李治廷坐上「龍座」，氣勢一時無兩。	眾人為丁子高（左四）慶祝36歲生日。	李治廷接上寶劍，甚有王者氣勢。

斷背緋聞令李治廷在同志界受歡迎，他對此說：「Thank you，有人鍾意都開心。」他強調自己喜歡女性，繼而問到被拍得與長髮女出入寓所是否有拖拍，他回應：「我朋友，不過依家唔係（朋友）。（點解？）仲點敢同我做朋友？食個晏就咁。（有冇發展機會？）純friend，『he she friend』，用番你哋個term。（成日約女仔上屋企食飯？）係，朋友就有男女性朋友。（借女仔過橋淡化與馬天宇緋聞？）唔會，淨係想約我想見嘅朋友。」

《寒冰掌》送丁子高

適逢活動籌辦人丁子高正日生日，大會炮製驚喜送上蛋糕祝賀，李治廷更即席獻唱丁子高歌曲《寒冰掌》。司儀問丁子高的生日願望，他口快快說錯：「希望所有老婆……家庭成員身體健康。」場面搞笑！

丁子高坦言獲慶生感到surprise，沒有預算會成為主角之一，故以casual造型現身。問是否太驚喜令他說錯「所有老婆」，他笑說：「我嘅祝福都係屋企人，講咗老婆先啫。」

馮雪怡澳門直擊