藝人郭奕芯（Ashina）早前與朋友到台北旅行，玩足五日的她，坦言每天都過得充實：「每日早出晚歸，去咗好多地方，仲去咗好多個夜市，食咗好多美食，感覺超充實。」問到此行可有艷遇？Ashina失望表示：「冇呀，我同個女仔朋友去，所以冇去夜蒲呀，只係去咗間溫泉旅館咋！不過都幾尷尬，因為我去嗰間溫泉旅館係以情侶為主，連房間名都係用愛情命名，所以同個女仔去都幾尷尬，但之後我都唔理咁多喇！」
