周家怡占卜運情dry多半年
藝人周家怡昨日出席主題展覽活動，年屆36的她表示仍然單身，希望可盡快找到真命天子，故早前大玩塔羅牌來預測「行情」，大爆占卜師指自己需dry多半年，暫不要抱有任何幻想，但她卻開朗表示深信人定勝天，必有曙光出現！
藝人周家怡（Catherine）與麥子樂（Bryant）昨日齊出席於屯門市廣場舉行的「反斗奇兵20周年玩具派對」，雖然「壽星女」Catherine已正式踏入36歲，但童心未泯的她，席間還非常雀躍地跟一眾卡通主角拍攝合照，她隨後更喜獲Bryant送上生日蛋糕賀生辰，並即場吹蠟燭許願！Catherine笑言自己很貪心，擁有多個生日願望，她如數家珍說：「希望繼續好落去，個個開開心心，搵多啲錢，（點樣慶祝？）呢幾日不斷慶祝啦，因為日日都慶祝嘅關係，依家覺得返工好過放假，不過雖然攰，但係好開心，個個朋友都好好，今晚都會同阿佘（佘詩曼）及細佬（Bryant）食生日飯。」
唔吼麥子樂
問到感情上有何願望？她衷心表示希望可盡快找到對的人：「快啲搵到個好嘅（對象），佢又好錫我、我又好錫佢嘅人，直到永遠，依家冇着落，前排去咗玩塔羅牌，佢叫我畀心機做嘢先，未來半年都未有啱嘅人出現，不過我話唔信嘅，人定勝天，我有問其實真命天子係咪出現咗（口架）喇，佢都係叫我專心做嘢，唔好有幻想，（唔同Bryant發展吓？）我十幾歲就識佢，感情好似屋企人咁，一齊會似亂倫。」Bryant此時亦表示：「我哋friend得滯喇！」
外國人啱key
問到Bryant是否做東請客賀Catherine牛一？他另有一番見解說：「生日嘅人請食飯係一件好事，會帶好運畀人（口架），我自己年年生日都請人食飯。」談到Catherine感情未有着落，他笑言對方應是外國人杯茶：「我真係覺得外國人會鍾意佢呢一類型。」
文：名人組