陳豪家庭樂玩轉入境處
由陳豪、羅仲謙、呂慧儀、蔡思貝及陳瀅等演出的無綫新劇《潮流教主》順利完成，前晚設煞科宴，主要演員亦有到場，但近期被捧上位的蔡思貝及陳瀅因太忙而缺席。
陳豪日前一家四口出巡為細仔拎出世紙，他說：「呢排太忙，係遲咗去，但自己想親力親為，見證呢個時刻，好enjoy家庭樂，大仔喺度玩，細仔就哇哇叫，都多謝入境處幫忙。」提到《潮》劇有多位新進女藝人演出，陳豪覺得很有新鮮感，大讚監製眼光獨特。
羅仲謙放假陪楊怡
羅仲謙稱今餐由陳豪做「大股東」請客，自己預計夾四位數字。拍完此劇後，謙謙將放假一星期，之後要到台灣拍一套內地愛情電影，逗留兩個月。問放假會跟女友楊怡做甚麼？他說：「要做嘅都會做啦！（即係乜？）哈哈！畀啲幻想空間大家。（《潮》劇有冇不和傳聞？）未有聽到不和事件，大家好融洽喎！多女仔多啲話題，我會聽吓佢哋講扮靚、食療。（冇緋聞傳出？）冇失望，係傳媒功勞。」
同場的呂慧儀透露將滿一歲的兒子開始識講嘢：「BB終於識叫媽媽同唱媽媽歌，（老公有冇呷醋？）有o架！BB都有叫過daddy，一次咁多囉！」
文：影視組