蕭正楠明嗒孟瑤劇鬥翠如

蕭正楠與黃翠如最近同有劇集播放，Edwin指翠如亦有看他演的《風雲天地》：「佢阿媽仲話我扮敗家仔扮得好似，我聽到冇唔開心，反而覺得好高興，因為佢哋鍾意睇我嘅演出。我個角色就係敗家仔，好多女性觀眾會對呢類角色反感。（唔驚影響形象？）佢壞唔晒，尾段會變番好。」

王晶讚搞笑

談到與性感女星孟瑤合作，Edwin謂：「我同孟瑤有好多令人笑到碌地嘅演出，聽講監製王晶都話我有喜劇天分，好多謝佢畀機會我搞吓笑。（同孟瑤合作唔尷尬？）唔尷尬，親熱戲都係蜻蜓點水。另外，今次可以同汪明荃等一班前輩合作，開心之餘又學到嘢。」

原來蕭正楠閒時愛與翠如在家研究劇本。（資料圖片）	孟瑤在《風》劇中與蕭正楠演夫妻，有不少搞笑演出。	與汪明荃合作，蕭正楠感到很榮幸。

甜蜜睇劇本

對於《風》劇收視暫屈居於翠如有份演的《愛‧回家》之下，Edwin稱：「戥佢開心，打風嗰晚仲創咗紀錄。有叫佢加油，要多多向張繼聰學習，嚟緊《風》劇都好緊湊！（翠如話你哋平日會研究劇本？）係，我哋少出街，留喺屋企煮吓嘢食，之後就睇劇本，做筆記，有時睇到好嘅場口、對白會攞出嚟研究，呢輪我就鑽研緊《巨輪II》嘅劇本，好期待正式開工。」

文：影視組

攝：唐豁莊

服裝：G-STAR RAW