劉嘉琪硬淨Madam撐得住

模特兒兼演員劉嘉琪(Kanice)最近在無綫新劇中飾演女警一角,她說:「我個人比較硬朗,所以唔太難演!不過有時要跑得好快,又有啲爆破場面,就要小心啲!」Kanice又表示已不是第一次做Madam:「拍《飛虎》都係做Madam,當時係夏天,最辛苦係腰間裝備好重,返屋企發現腰間磨到損晒。」

談到拍劇最深刻經歷,她說:「之前拍《陪着你走》時,做麥包前妻,劇情講我哋離婚,試戲時,我就喊到癲,但到嚟真時,我就發現眼淚已經用晒!之後監製教我試戲用5、6成就得,真正拍先放盡。多謝佢畀機會我呢個新人!」