鍾舒漫變身大玩復古

今年初吳浩康被爆背着未婚妻鍾舒漫「偷食」，兩人即由情人變為朋友。當時外界紛紛戥Sherman不值，而她卻懶理報道，大方淡然面對傳媒。事隔近半年，Sherman繼續專注工作，被問到是否借事業來麻醉自己時，她堅定地說：「咁樣控制情緒係好唔健康！」

放低包袱

回復單身的她，坦言現在比以前更為輕鬆：「依家我會更加focus喺工作上，因為冇咗多餘嘅壓力。雖然拍拖都可以專注做嘢，但總會經歷情緒波動嘅日子。」就像最新推出的新碟《True Instinct》中，她就放低一切包袱，搖身一變為復古野性女，玩盡80年代音樂！

鍾舒漫回復單身，暫時不想兒女私情。

鍾舒漫預告「復古」絕對是大趨勢。

刻意變髮

談起音樂事業，Sherman即說得起勁。在今次專訪，她也特意塑造一個復古裝，尤其在頭髮方面，刻意把前蔭向內捲起。她又自信十足預告「復古」絕對是大趨勢：「我覺得80年代好快會hit番！好似《大時代》同《他來自江湖》咁，大家一講起就會好回味，依家係興集體回憶！」今次Sherman做復古型女，她說：「我覺得80年代嘅妝好型！如果可以，我好想試吓剪嗰種彎入去嘅劉海！」

文：專案組

攝影：劉斌

化妝：Zoefan

髮型：Green Cheung@FIFTH Salon