夏尉喻負荷大 去腫縮胸

昨日「寸嘴Barbie」夏尉喻及「牛雜妹」李美琪等均以女神造型出席PS4動漫節活動，其中夏尉喻谷出深長事業線，裙側更透出nude bra，她說：「要遷就番呢個希臘女神造型，（露nude bra？）我已經整細咗，但又唔可以太細，唔係唔夠集中，（用nude bra谷胸？）當然，唔係冇咁嘅效果。」她又透露近日受甲狀腺問題困擾，導致全身水腫，又指上圍豐滿，令她膊頭及尾龍骨負荷大，問到會否考慮做縮胸手術？她說：「等水腫好番先，水腫時個胸差成個cup o架！」

Eddie等覆診

同場還有前EO2成員彭懷安Eddie，他以「戰神」造型現身，問到早前右手受傷傷勢？他說：「右手骨折，依家鑲咗鋼筋等覆診。」

「小雲」Ashina笑言要勤做運動，希望鍛煉出「愛美神飛彈」。	「小雲」Ashina	布睎尤斷言表示不會「人工僭建」升cup。

早前他與女伴夜蒲斷正而與女友朱慧敏取消婚約，但有指二人是「假分手」？對此他說：「降呢之嘛，係知己，（依家係咪情侶關係？）未婚夫、未婚妻，依家打散啲關係重新嚟過。」

布睎尤拒僭建

另外，o靚模郭奕芯（Ashina）與中葡混血女模布睎尤前晚出席卡通人物發布會，Ashina以cap帽及眼鏡「小雲」造型現身，穿上牛仔短褲的她不慎露底。她自言很喜歡「愛美神」一角：「佢型到爆炸！（想唔想有一對『愛美神飛彈』？）我都有一半，可以再修煉好啲。（點修煉？）做多啲運動。」

而布睎尤則性感亮相，她亦謂從小已很喜歡「愛美神」這個角色，希望擁有其完美身材。提到松岡李那主唱的《無敵愛美神》被指廣東話不太正？她不忿說：「我都carry到，廣東話好過佢，身材亦唔會輸蝕。（網上資料寫你得32D，升咗級？）可能因為親戚到，加上衣着有影響，希望再升。（人工僭建？）唔會。」

文：名人組