千嬅吊半空驚喊丁子高極速救妻

天后楊千嬅孖老公丁子高參加內地真人騷時,畏高的千嬅被吊在城堡半空中,頓時嚇到花容失色,兩度尖叫兼爆喊!丁子高立即上演一場英雄救美,爬繩梯勇救老婆脫險,令夫妻感情更上一層樓!

楊千嬅與老公丁子高夫妻檔上陣,參加內地真人騷《極速前進》,而第三回合於土耳其的伊斯坦堡取景,比賽期間千嬅被吊在一座五層高的城堡外牆,有畏高的她被吊到半空中,邊吊邊爆喊,喊到不顧儀態。而丁子高則要在指定時間內攀上城堡拯救老婆,否則千嬅就會掉落泥水中。

街頭賣藝冇人信

千嬅直言初時以為節目只是一個鬥智鬥力的遊戲,沒想過會一站比一站艱辛,雖然自己已有心理準備要參與高空比賽,但今次避不了就惟有硬食,其後見到老公完成任務,再次激動爆喊,謂:「我真係諗過放棄,但見到老公好勇敢,我都唔好意思,老公完成咗我好感動,吊高真係好鬼驚!」拍攝真人騷要不停過關斬將,兩人更要在街頭耍劍賣藝籌款,而且丁子高還乞求途人捐款:「嗰個係楊千嬅呀,佢係唱歌o架,喺香港好紅o架!」被千嬅取笑他像賣老婆一樣。最後因為時間緊迫,千嬅要向一班內地遊客自我介紹是如假包換的楊千嬅才能完成任務,過程非常搞笑,她說:「搞咗一輪,劍都舞到斷咗,仲差啲插到人!」

救唔到會鬧餐勁

過去兩個回合兩人到過悉尼及大堡礁進行拍攝,並在第一回合贏了冠軍。期間丁子高在一項高空跳躍動作中,以超人式甫士一躍而下,馬上被封為「國民老公」,網民紛紛表示羨慕千嬅有個Man爆老公。談到老婆被吊在城堡外牆,丁子高大呻在體能上有很大挑戰,不過有千嬅為自己打氣才能將能量爆發出來:「爬到一半我隻手已經冇力,但又唔想佢跌落水,否則後患無窮,仲會畀佢勁鬧一餐。」另外,兩人坦言參加這個真人騷雖然過程辛苦,但卻增添不少人生經驗,互相了解更多,還令大家的感情更進一步。

文:音樂組