最愛Pet Pet？
養寵物大把趣事可以講，其他藝人又怎樣講自己心中最愛？
李蘊：「我最愛嘅係貓貓，由細到大我屋企有養貓，我媽咪都養貓，唔知係咪遺傳，所以我都好鍾意貓。依家屋企有5隻貓，每隻都唔同性格，成日都陪我，開唔開心都會陪我，又唔會好熱情，好有性格同有型、得意。我最鍾意貓嘅手同腳，軟淋淋，影相最靚、最得意。我知好多人鍾意動物，但呼籲大家唔好遺棄動物。」
鄭俊弘：「我心目中最愛就係我隻狗仔Riley，我要多謝佢每日無條件口既愛，無論我有幾唔開心，佢都總有辦法令我好開心，覺得好安全，好愛。」
關心妍：「我最愛係我隻小狗Butter，雖然買咗返嚟唔係好耐，由喺寵物店帶佢返嚟都好驚，可能佢六個月前喺寵物店受驚，到依家佢對我哋每個都好信任，好親密咁錫我哋同等我哋返屋企，真係好忠心，所以每次出Trip同工作都好唔捨得佢，暫時做咗我心中嘅No.1。」
黃婉君：「我最愛嘅係我隻狗仔Coco，幾日前佢過咗身，身為佢媽咪，唔可以口係佢身邊陪住佢，攬住佢到最後一啖氣，我覺得好內疚。做媽咪嘅我，係有少少唔啱，因為口係香港工作為主，希望佢明白媽咪非常愛佢、好掛住佢。」