Chris Brown爆粗 搵奧巴馬救命

Dragon-i負責人楊其龍前晚已因Chris被扣留菲國，宣布活動取消，並承諾順延一日舉行。但直至昨晚截稿前，楊其龍回覆本報查詢指Chris在菲律賓仍未獲釋，他坦言訂枱的客人表示失望。而較早前美國傳媒曾一度有指收到法律團隊方面的消息，Chris已獲准許離開，但菲國移民局的發言人昨日傍晚時受訪表示Chris仍在當地。據知Chris去年已因失場拖欠酬勞高達100萬美元（約780萬港元）之多！

壽星Mark Ryan失望

而身為粉絲之一的Mark Ryan就適逢33歲生日前晚特地去捧場，他到場後得知Chris未能到港故表演要改期感到非常失望，他說：「我知佢嚟香港演出撞（口岩）係我生日，原本好興奮，點知佢嚟唔到好失望。（你拋低老婆同囡囡嚟睇騷？）我同太太各有嗜好，佢知道我鍾意做啲咩都會支持同埋批准我去玩。」

雖然Chris無了期滯留菲國，但他仍有心情密密更新Instagram，其中他就自拍一條在酒店房瞓地扮蟲跳舞的搞鬼片段，他更笑住表示在海關面前就是跳這隻舞講「Sir，我無做過呀！」此外，他亦上載一條自拍片，笑住爆粗問可否告訴他發生甚麼事情，並在片段留言奧巴馬（Barack Obama），似是想向他求救！

護家園任保安開槍

另方面，早前有賊人就趁Chris出埠開騷時打劫其洛杉磯大宅，並用槍指嚇其家人。據知有見及此Chris已將豪宅加強保安，除了屋內有持槍保安把守之外，屋外亦安排一架保安車作防避。而Chris更向保安人員落「柯打」指若有需要可以開槍！

文：外娛組