(1)麥明詩「毛」心之失　(4)龐卓欣fit爆燈

十二位候選佳麗昨日在沙田某酒店首度以泳裝見傳媒，大會提供的兩件頭泳裝雖然成功將佳麗「封胸」，但卻顧此失彼，多位佳麗下身失守，春光乍洩。「重災區」要數(1)麥明詩（Louisa）三圍32.5-22-33的她出場時下體出現露毛情況，認真有礙觀瞻；(3)羅丹虹、(7)吳佩欣、(8)程莉欣則出現下體現形，情況尷尬。

增肥失敗現鎖骨

大熱佳麗麥明詩講到失守令下體露毛，她略為愕然後回復鎮定說：「希望大家唔好將焦點放喺嗰度，已經盡量做好防走光措施，但係意外都發生，自己係粗心大意，日後會多加注意。」飽受壓力的麥明詩體重再下降，現時只有97.5磅的她瘦到見鎖骨，她說：「燕瘦環肥，自己都正常飲食，係瘦咗啲，都盡量增肥，但係增肥失敗。壓力都OK，依家比之前輕鬆咗。」

不慎失守的(1)麥明詩表現尷尬，瘦到見骨的她表示增肥失敗。	每日勤做gym的(4)龐卓欣練得一雙結實的手臂。	高人一等的(3)羅丹虹身材略嫌平平無奇。

每日勤力做gym

佳麗燕瘦環肥各適其適，最fit的佳麗要數三圍34-22.5-34的(4)「寸嘴Ada」龐卓欣及三圍32-22-33的吳佩欣，兩人皆曬得一身古銅色皮膚兼鍛煉出腹肌，身形fit到漏。龐卓欣表示：「自己有做開gym，因為喺日本不停咁食，返香港每日都9點就跟trainer做gym，自己鍾意食嘢，所以做番啲訓練平衡番。」講到宿敵麥明詩身形？龐卓欣則說：「Louisa冇我做咁多運動，但佢跳舞柔軟度好過我。」龐卓欣又大讚(6)吳慧堯身材最好，令她十分羨慕。

運動型的吳佩欣透露經常勤做運動，講到首套泳裝是否略嫌密實影響發揮身段美，她笑說：「都可以咁講。」吳佩欣又指首次着泳裝大會已為佳麗做好防走光措施。此外，三圍33-23.5-34的羅丹虹雖然擁有5呎7吋模特兒身高，但身材卻嫌平平無奇。

文：影視組