羅霖自掏腰包租樓冇靠人
50歲美魔女羅霖（Candy）的寫真集力壓眾(口靚)模於書展大賣，近日Candy由深井搬到九龍塘豪宅區，有傳內地富豪為她豪擲百萬大搞生日會，對此，Candy大感無奈：「如果真係有咁大條水喉射住我，我就唔會去租樓啦，邊有人咁蠢，我一定會買樓！同埋個生日會係用咗十萬冇一百萬囉，啲錢係我同粉絲會夾，我自己仲拎咗八萬蚊出嚟！」
Candy感嘆女藝人的演藝生涯比男藝人短，所以打算再打滾幾年就會轉為全職生意人，她說：「唔係個個都可以好似羅蘭咁做到幾十歲，所以我諗住拍完寫真就算，但依家雜誌亂寫我被人包養，我驚啲人會唔敢追我。」