林鈺洧處女作要「hold住」
星二代又湧入娛樂圈，林鈺洧（Denice）、湯君慈（Bruce）及湯君耀 （Chris）為瑞士天梭表Quickster Nato拍攝宣傳照，Denice憑天使面孔及43吋長腿殺入模界，成為Angelababy及熊黛林師妹，作多方面嘗試。Denice父親是80年代憑無綫劇集《男兒本色》走紅的林俊賢，但父親曾對Denice放棄保險工作而入行有所保留。而Bruce及Chris是當年「無綫五虎將」之一的湯鎮業一對孖仔。
蠟像上身
拍攝時三人化身蠟像維持同一甫士及表情近一小時，甚有難度，Denice表示：「起初以為做模特兒就係不斷換甫士，冇諗過第一個拍攝工作就需要做『hold住姐』，哈哈，發現自己都好有耐力，可以克服所有困難。」
而身為哥哥的Bruce教弟弟Chris擺甫士，更緩和拍攝的緊張氣氛，Chris坦言初時見到Denice非常緊張，搞到不知所措：「Denice好高，而且係混血兒，係天生模特兒，畀到壓力我，所以唔知擺咩甫士，好彩阿哥有幫手提議，我先冇咁呆。」
而三人將於下月中旬首度公開亮相出席品牌活動。