洪永城搬竇 變詩詠煮場

洪永城(Tony)、岑麗香、劉佩玥及吳若希等昨拍新劇《實習天使》,眾人玩泡泡足球夾擊Tony,Tony慘被撞到碌地沙。對於Tony被指向幕後爆料,指唐詩詠在家與外出時不一樣,惹來同居疑雲,香香前晚電話回應指未聽過,昨亦謂沒見詩詠探班,至於有否見Tony經常甜笑,她說:「佢成日都笑,今次角色嚴肅啲,但我哋會忍唔住笑。」

讚溫柔體貼

Tony亦否認傳聞謂:「我估詩詠喺屋企嗰陣溫柔體貼、賢良淑德、入得廚房出得廳堂!」問最近搬入西貢的Tony詩詠有否幫他執屋?他稱:「冇,(同你睇樓?)佢睇相,(請佢做女主人?)慢慢嚟啦,佢最近鍾意煮嘢食,我有口福。(請佢上嚟煮?)係,都要(口架)啦。」

劉佩玥被問好友陳凱琳是否重色輕友,掛住與鄭嘉穎拍拖?她說:「全世界都知嘉穎返內地拍戲,陳凱琳同我都拍劇,見少咗。」對於陳凱琳到內地探嘉穎班,劉佩玥說:「可能唔止探佢呢。」同場的吳若希否認出道前化名「咖喱」在酒廊賣唱,又謂「咖喱」是初中的花名。

文:影視組