即場投票 系統失靈森美唔介意犧牲

無綫遊戲節目《超強選擇一分鐘》前晚首播錄得最高23點收視，但直播時出現系統失靈，嚇到主持森美O嘴，令賽果未能即時宣布。無綫總經理鄭善強昨日到尖沙咀出席明珠台活動解釋非系統故障而出現混亂，而是因系統未夠快適應在短時間之內同時有大量投票湧入所致：「我哋對即場投票係有經驗，無論幾十萬到一百萬都可以處理得到，亦經過個幾月嘅測試。尋晚（前晚）發生問題都係喺第一題問題嘅時候，我哋已經即時解決咗，到第二、三題嘅時候就已經冇問題。第三題嘅時候我哋總共錄得約12萬用戶投票，係咁耐以嚟最多人喺一分鐘入面投票。系統已經進行優化，往後四個禮拜直播非常有信心。」