陳嘉桓吹波波李曼筠胸猛搶鏡
藝人陳嘉桓（Rose）、松岡李那、周嘉莉、李曼筠等昨日原定以比堅尼上陣出席活動，最終因天雨關係移師室內舉行，眾女惟有於玩遊戲時出盡渾身解數，Rose烏身吹氣球、周嘉莉穿低胸裙跳繩、李曼筠亦波濤洶湧執繩，實行以另類方法搶鏡。
一眾靚女陳嘉桓、松岡李那、蔡穎恩、李曼筠、周嘉莉、唐貝詩等昨日為有線節目《3S放大假》造勢宣傳，本來眾女以比堅尼亮相，惟因雨勢大關係，令活動由泳池移師室內舉行，眾女亦於比堅尼外加上衫出現，頓時性感度大減，不過一班女仔也不放過搶鏡機會，除了趣怪表情多多，於遊戲環節時使盡渾身解數，Rose於吹氣球時烏身露事業線、周嘉莉與李曼筠跳繩時上圍相當跌蕩，後者更於俯身執繩時波濤洶湧、組合A2A及松岡於則於跳舞環節時喪扭蛇腰，以另類方法出位。
化妝沖涼試效果
對於天雨關係取消落水，Rose卻因禍得福，她透露剛剛月事來潮不方便，：「之前在泰國拍攝都遇到同類情況，好在買到急救嘢，可以照落水，冇整到泳池污糟。」談到節目提及有不化妝部分，Rose表示行程中日日落水，故在家已嘗試以不同化妝品上妝沖涼，令拍攝時仍可保持妝容，更謂：「本身條眉冇乜色，好在漂眉後就算落水都仲有眉形，（咁咪唔係節目原意囉？）我都有化妝，但總有時間係冇嘅，同埋我又食榴槤驚爆瘡，所以日日敷mask。」稍後要到峇里拍攝的她，表示不擔心被綁架：「有聽過人講，我諗到時所有活動會一大班人，最多綁住大家條腰，幾個女仔如果邊個拍咪另外嗰啲踎低囉！」
期待花蓮營火會
而李曼筠被問到俯身執繩時險些走光，她表示事前已做足安全措施，故認為不會走光，又指將於本周日與組合A2A到花蓮拍攝節目，屆時除了到原住民部落參加營火晚會，又會玩逆流划艇，令她非常期待。
文：影視組