張敬軒還火：小學雞嘅小學雞

張敬軒、鄭欣宜和馮允謙昨日出席伊館舉行的太陽計劃活動，軒仔接受訪問時稱現在社交平台留言好大壓力，講錯一粒字都會掀起好大回響。軒仔自爆早上在instagram張貼了一張南韓政府向香港發出藍色旅遊警示的香港地圖，並配上「小學雞」三個字，有人即留言指摘他。

軒仔謂：「可能佢係好鍾意韓國文化嘅fans，所以就跳出嚟話我咁講南韓政府唔啱，而我啲fans又好熱心，變成你一言我一語囉！（你有冇加把嘴？）我冇搭嘴啦，佢係小學雞嘅小學雞，但佢咁諗法都好好嘅，保護自己嘅偶像，保護K-pop同韓國文化，佢呢個精神係應該學習，但應該用喺更有用地方。」

鄭欣宜與小朋友合演音樂劇，讚他們態度很專業。

馮允謙與張敬軒於活動上合作演出。

欣宜獲小朋友指教

至於軒仔表示沒打算取消這個post，上載這個Post純粹是「發口痕」。因南韓政府發出的香港地圖，竟包含了廣東省其中一個島嶼，軒仔不禁說應該送個正確的香港地圖給當地。

此外，欣宜在活動上聯同一班小朋友演出音樂劇，欣宜大讚他們很專業，歌詞舞步都記到足，反而掉轉頭教她。

欣宜表示演舞台劇和拍戲好大分別，劇集拍完都要等一段時間才播，舞台劇可以即時感受觀眾反應。

文：音樂組