羅霖貴價搶客 嫩男嗒糖追
將推出首本個人寫真集的「美魔女」羅霖，雖然年屆50，但她無懼與其他(o靚)模比較，寫真集「貴絕全場」，每本售250元！相比其他(o靚)模平均售價為百多元，足足貴超過100元，認真巴閉！而羅霖透露寫真集推出後獲香港和內地的富貴朋友支持，之後更會拉大隊撐場！
現年50歲的「美魔女」羅霖即將推出首本個人寫真集，受兩岸(o靚)模夾攻的她，寫真集依然「貴絕全場」，賣250元一本，比起其他(o靚)模的寫真集貴過百元！對此，羅霖昨日接受本報電話訪問時，愕然地說：「以前未買過寫真集，唔知價！但我本書好揼本，揀咗最厚同最靚嘅紙，而且包書帶都用咗燙金同凸字，成本好高，都賺唔多！」
收男士短訊
自認要求高的羅霖，表示希望推出高品質的寫真集，問到會否擔心銷情受影響，她自信爆棚，說：「一啲都唔擔心！第一版3000本全部內部認購晒，我香港同內地嘅富貴朋友，一訂就訂咗200本。遲吓佢哋仲會拉大隊嚟支持我，好感激！」她強調富貴朋友是在老婆知情下訂購及支持她的。
羅霖亦大方透露性感照流出後，多了男性追求者：「都多咗男士傳短訊搵我，讚我影得靚！」由於她曾透露自己擇偶不限年齡，她自爆有年輕男士追求：「有個男士試探我口風，問我佢有冇機會！對方其實只係得30幾歲！不過佢知我呢排出寫真會忙，話等我忙完先再約。」除多了男性朋友外，羅霖亦表示女性朋友亦增加，因為大家都當她是榜樣！
開心好反應
她又自爆曾經擔心大眾對她50歲出寫真的反應，不過推出後反應正面，令她放下心頭大石，她說：「我係三子之母，一向都形象好，唔想因為出咗呢本寫真而摧毀形象。依家反應咁好，好開心！」
文：專案組