周汶錡fit爆出院BB包到實

現年41歲的名模周汶錡與法籍老公Julien Lepeu結婚兩年多，一直想要小朋友，去年9月兩人終於造人成功，懷有慈姑椗的Kathy於上周五（本月4日）秘密入住半山一間醫院並剖腹誕下重7.2磅重的囝囝Jacques。昨日中午她在丈夫陪同下和BB一起出院。戴上太陽眼鏡和帽子、身穿連身裙、化了淡妝的Kathy翹着丈夫一起步出醫院門口，BB由丈夫抱着，但被毛巾由頭到腳包到實，Kathy的助手則拿着BB籃。

現嘗試餵人奶

身形向來fit爆的Kathy即使懷孕期間亦沒有胖了很多，真正是長胎不長肉，到臨生B前她的身形依然纖瘦。而昨日所見，即使產後她的身形依然好fit，手腳纖幼，看上去就恍如沒有生過一樣，實在令人羨慕。

Kathy和丈夫企定定讓記者拍照後，丈夫先抱着BB登上七人車等候，臉帶笑容的Kathy接受記者訪問，開心地表示多謝大家。問到BB改了中文名未，她說：「改緊，依家二揀一，搵人改嘅。（會唔會餵人奶？）嘗試緊。（BB似邊個？）似我老公多啲，返屋企適應吓，有時會變樣(口架)嘛。（全家都當BB係寶？）係呀，好開心。」

產後的周汶錡，身形依然甚fit，好像沒有生過一樣，令人羨慕。

周汶錡懷孕時身形冇大改變。

唔做全職媽咪

問她老公有沒有送禮物？她說：「BB係我哋好好嘅禮物。（會唔會積極修身？）唔使住，都唔係肥咗好多啫。（諗住休息幾耐？）未知。（會唔會做全職媽咪？）應該唔會，我咁鍾意做嘢。（會唔會搞百日宴？）遲啲先，要休息先。」受訪時她表現心急想上車跟丈夫和BB一起回家去。

文：名人組