吳雨霏唱定情歌聞誓言落淚

歌手吳雨霏（Kary）與斷續拍拖八年的「網球王子」洪立熙（Brian）前晚終在意大利酒莊舉行婚禮，她的好姊妹鄧麗欣（Stephy）、楊愛瑾、區文詩亦現身見證。身穿低胸婚紗的Kary挽着爸爸的手臂進場，當Brian宣讀誓詞時，Kary忍不住落淚，而她除了宣讀誓詞外，亦即場獻唱八年前與Brian的定情歌《I wanna grow old with you》，接着兩人情深一吻，甜蜜滿瀉。
Brian與Kary於意大利酒莊行禮，時刻流露幸福之情。
Brian與Kary於意大利酒莊行禮，時刻流露幸福之情。

事後Kary表示行禮前心情十分緊張，講到在Brian宣讀誓詞時眼濕濕，她謂：「一路冇諗過有咩感動位會喊，直到Brian講誓言，真係忍唔住眼濕濕，滴咗一兩滴眼淚，始終我同Brian經歷咗好多嘢。」行完禮後眾人出席慶祝晚宴，期間各好友分享對新人的感受，當Kary見到弟妹的表演唱歌時，再度感動落淚。最後環節是切蛋糕和Kary拋花球，花球更由屢傳婚訊的Stephy成功搶得。

Stephy硬接花球

Stephy昨日透過電話回應，笑言是有個朋友接到花球後借花敬佛：「喺嗰個情況下其實係人接到都會塞畀我，但我無謂推嚟推去所以就接受咗個花球。」而Kary將會與老公和家人在意大利逗留多幾日才返港。另有指Kary肚凸凸疑似有喜，記者昨日就此事聯絡她，惟截稿前未有回覆。 文：音樂組

Kary聽到Brian宣讀誓詞，即感動到眼濕濕。
  • Kary聽到Brian宣讀誓詞，即感動到眼濕濕。
一班好姊妹見證Kary重要時刻。
  • 一班好姊妹見證Kary重要時刻。