朱慧敏：結婚生仔唔係必須
與彭懷安（Eddie）婚事擱置的朱慧敏，出走美國返港後即投入工作，昨日偕張文慈在大埔拍微電影，直言將男方「降呢」為知己，更不否認跟對方繼續冷戰，並謂：「現今女性結婚、生仔唔係必須！」
現年34歲的朱慧敏（Queenie），昨日與張文慈（Pinky）於大埔某校為微電影《回到起步時》取景，飾演母親的兩人與小學生不乏對手戲，自言喜歡小朋友的Queenie更謂：「能力許可生幾多都冇所謂。」當問到計劃何時生育時，與彭懷安（Eddie）的婚事急煞停的她無奈地說：「遲啲先，好難講，十幾歲時以為廿幾歲結婚、生仔，到廿幾歲又以為卅頭，依家34歲又點plan呢？好多嘢係命運安排。（唔怕做高齡產婦？）好多人三十尾到四十歲生都okay，最緊要睇自己心理質素同各方面條件配合。」
唔想結咗又離
剛從美國出走返港的Queenie，否認因擱置婚禮而影響人生大計，自稱現在生活愉快的她更表示：「現今女性結婚、生仔唔係必須。」她坦承跟Eddie有聯絡，雙方溝通亦好正面，問男方是否甘願「降呢」為朋友？她強調：「我哋關係keep得好好，係好好嘅生意夥伴同好朋友、知己。」有指Eddie近日收心養性戒夜蒲，Queenie卻不為所動要求多冷戰半年，對此，她未有否認：「我想專心事業，佢都係。（佢等得？）唔好畀時間框住，尤其步向婚姻係一輩子嘅事，我哋都唔想搞得不愉快，結咗婚又離婚就冇意思。」
另對於亞視全球大招募，問回復自由身的Pinky會否考慮回巢効力？她說：「冇諗過，係先算啦，又唔知佢哋形式點，要清楚少少先（考慮），但舊同事有工開係好事，我都好開心。」並謂只要有合適的工作，任何公司也可以合作。
文：影視組