羅霖惹火靚相囝囝讚好
藝人羅霖和周柏豪前晚在將軍澳電視城錄影無綫節目《今晚睇李》。有20年未在無綫亮相的她最近亦參與寫真大戰，提到黃榕明寸她的寫真集有排執相，羅霖就直言寫真相與真人相差無幾，不需「大執」，更指對批評百毒不侵。她又透露囝囝們看過寫真後都直豎拇指讚好，更睇到「嘩嘩聲」：「因為佢哋有好多地方都未見過，亦冇見過媽咪性感、惹火嘅一面。」
而周柏豪就表示在巴黎出席時裝騷時，與自己所傾慕的時裝品牌主腦相見後，終於明白做粉絲的心情：「見到佢上載合照上網時，我啱啱上咗飛機準備熄電話，嗰十幾個鐘就心情好忐忑，喺度諗到底佢係咪post錯相。」問他會否怕被李思捷逼供感情事，他就指自己「預咗」。