陶枳樽食豐胸丸迎寫真戰
「舞界栢芝」陶枳樽（Crz）今年將會推出個人寫真集，打正旗號以張栢芝經典電影造型為藍本，但因「師姐」蕊蕊去年成績理想令她增添不少壓力，坦言會食豐胸丸操fit線條！身為歌手的她，推出寫真難免會被人「定型」為(o靚)模，但自信十足的她表示：「本寫真靚先會畀人咁叫！」
有「舞界栢芝」之稱的陶枳樽（Crz），是蕊蕊領軍的組合HunterZ成員之一，今年Crz更會承接蕊蕊去年「寫真女王」之勢推出個人寫真集，打正旗號以張栢芝經典電影造型以性感重新包裝，希望可以繼承蕊蕊的氣勢。
認有壓力
上屆蕊蕊的寫真銷量稱霸，Crz坦言亦有少許壓力，她說：「不過我都係平常心喇，銷量我都控制唔到，盡力做好自己，我會操fit自己做宣傳，等個線條可以靚啲，仲有會食吓豐胸丸同搽豐胸膏咁。」外界多認為出寫真就等同(o靚)模，問到身為歌手的她會否介意被「定型」？她說：「我始終係歌手出身，咁本寫真都係靚先會畀人咁叫，都唔會介意。」
跳舞受傷
在跳舞家庭長大的Crz，父母都均為跳舞老師，故她跳舞年資甚長，她說：「細細個就已經跳舞，因為爸爸媽媽都係教跳舞，但正式入行做舞蹈員就係2006年嘅事。」不過年資愈長受傷就愈多，Crz坦言已在身上留下多處「戰績」，更笑言自己已是「老人家」：「大部分跳舞嘅人都會成日受傷，都唔係新鮮事，我一翻風落雨就會腰痛、腳痛，因為之前細個傷咗都仲頂硬上，依家都後悔點解當日唔錫身。」
Profile
姓名：陶枳樽（Crz）
別名：舞界栢芝
三圍：32C、24、34
年齡：25歲（1989年9月19日）
身高：1米64
入行經過：組合HunterZ成員之一，今年會推出個人寫真集。
文：專案組
攝：倪立煌
泳衣：Maxxii Mode Swimwear by Fannie
化妝：Makeup by Melody Chan＠Color Compass