昨日恒指曾狂瀉2000點，一度失守23000點大關，最終收報23516點。歌手張羽希（前名張苡澂）昨日透露股市狂瀉令她蒸發過千萬：「我嘅身家都用嚟買股票，如果三、四個月前放已經袋番千幾二千萬！」
藝人洪永城昨日拍攝新劇《實習天使》時自爆投資了約六位數字，現總值縮水逾四成：「我喺港交所大升時期趁勢入市，嗰陣仲講緊股市會向好，又話仲會升成年，所以入市。（輸清老婆本？）仲喺度，好彩冇瞓身，係衰在冇定止蝕位。」至於藝人漢洋與喬寶寶異口同聲是災民，漢洋說：「帳面蝕咗50%，自己唔太擔心股市。」穿上灰色衫的喬寶寶抵死地說：「帳面蝕咗七成，睇吓我面都灰埋。」
